投資25億商場當親生仔 劉鳴煒唔怕老婆呷醋
向來低調的華人置業集團董事劉鳴煒，昨晚主持旗下商場The ONE開幕典禮，大Sell旗下商場這個「親生BB」，不怕老婆呷醋。好友霍啟山、徐濠縈、林孝賢和音樂創作人陳奐仁畀面撐場。劉鳴煒透露投資25億元，至於心目中The One？他說：「冇諗過，都係呢幢嘢！（擔心太太唔開心？）唔怕。」問到會否與家人來消遣？他說：「咁逼嘅地方，唔方便小朋友嚟。（冇時間陪太太？）會盡量抽時間。（一對龍鳳胎唔認得你？）唔會。」他表示有看李家傑生三胞胎的新聞，他說：「應該恭喜人哋做爹哋，代母嘅嘢唔識回應。」
對於李家傑找代母生三胞胎，徐濠縈表示會接受，有朋友亦是找代母，視乎個人需要，但始終中國人保守，她則覺得有自己DNA就OK。
劉鳴煒投資的商場開幕禮，徐濠縈也來湊熱鬧。
林孝賢（左）力撐好友劉鳴煒。