三哥華哥促動手打人要嚴懲
苗僑偉（三哥）、黃日華及宣萱等昨日宣傳新劇《刑警》，對於敖嘉年疑被冼灝英打「爆缸」，三哥坦言跟冼灝英相識近廿年，不覺得對方性格火爆：「如果搞到受傷縫針就要懲罰吓！」而華哥則說：「飲完就返屋企瞓，未諗清楚就出手打人好唔啱！」至於與敖嘉年分屬好友的陳敏之，昨日出席惠康活動時大讚二人人品好：「敖嘉年係我嘅發音老師，冼師傅都好好人！始終呢行靠塊面搵食，希望嘉年唔好留疤！」而徐子珊及曹永廉則不約而同笑言，嘉年「見紅」是好兆頭。此外，謝天華力撐兩位皆是斯文人，並笑說：「佢係咪同冼師傅爭唱歌呀？」
騷長腿的陳敏之笑言，新節目拍檔高海寧經常碌瘦面器。
宣萱驚露趣怪表情，氹得華哥笑到見牙唔見眼。
三哥對着短裙的王君馨目不斜視。