Rosemary涉毒案明年再審
名模Rosemary早前在美國涉毒案，被起訴「出售或交換受管制藥品」一項及撞車後不顧而去，毒案已於美國時間本月26日開審，案件定於明年2月9日再度聆訊，至於撞車後不顧而去一案則於12月8日開審，Rosemary不會出席兩宗審訊。另外，Rosemary昨日出發前往北京，今日為時裝周行騷。擔任評判的時裝設計師鄧達智表示，雙方每日保持聯絡，已約定29日見面，問到有否關心對方案件的進展？他說：「冇特別問，我唔想煩佢！」
另外，何國鉦昨日接受電話訪問時表示，Rosemary昨晚約9時到達北京，對案件不太清楚：「佢今日成日坐飛機，冇同律師聯絡，佢話就算再開審，下次都唔使上庭。（咁佢嘅心情如何呢？）佢乜都唔諗，只希望專心做好呢場騷！佢覺得場騷對佢好重要，希望大家關注佢嘅表現，心情都幾輕鬆！」
Rosemary涉案後，早前曾與男友到法國散心。 資料圖片
Rosemary涉毒案押後再審，她與母親可暫鬆一口氣。 資料圖片