崔建邦認衰願受罰 志偉：以為又打人
日前醉駕斷正的崔建邦，昨日返無綫錄影《東張西望》前，由無綫外事部副總監曾醒明陪同下見傳媒，交代醉駕被捕一事：「當晚同同事喺尖沙咀食飯後，喺將軍澳隧道口畀警察截停做呼氣測試，佢哋知道我有飲酒後，再返警署做多次測試，結果輕微超標！今次我真係錯同大意，好對唔住！唔想再去搵藉口，我願意承擔任何懲罰！」問到最壞打算是否坐監？他未有正面回答，只表示會接受任何懲罰：「之前問過律師，應該會被停牌、扣分同罰錢！」
崔建邦在昨晚播出的《東張西望》中，節目甫開始再為事件致歉，並表示非常後悔及視為警惕，會記住這個教訓。另外，崔建邦「師傅」曾志偉昨日在內地出席活動時表示，崔建邦在醉駕被捕後曾致電：「佢話『師傅我又賴嘢』，我以為佢又打人！佢同我講抖咗5個鐘先揸車o架喇！總之要面對！」
崔建邦昨日錄影前，在曾醒明陪同下見傳媒。
志偉教訓崔建邦要承擔責任，勇於改過。 資料圖片