崔建邦吹波波斷正涉醉駕被捕

崔建邦又惹官非！繼涉毆女友鄺敏慧一案告一段落後，昨日凌晨，他再因涉醉駕被捕，事後他坦承犯錯並感後悔，承諾以後一定不會再犯！

崔建邦（Amigo）去年底因涉毆女友鄺敏慧而被起訴，雖然最終獲撤銷控罪，准自簽5千元及守行為一年，不留案底，但事業受嚴重打擊，工作量銳減！不過，守行為期限還未過，他又涉及另一官非！昨日有讀者報料，指Amigo駕車途經將軍澳時遇到警方設置的路障，他依照吩咐停車「吹波仔」，證實酒精含量超標，被帶返觀塘警署接受「大機」測試，最終因涉嫌醉駕被捕，下月底再到警署報到。

被路障截停

記者昨日致電Amigo求證，他坦白承認此事，並解釋當晚偕一班幕後工作人員食飯，因很久沒有見面而暢飲啤酒，食完飯後，他坐了一段時間才離開，由於覺得沒有醉意，故自行駕駛Mini Cooper座駕返家。Amigo說：「我哋喺尖沙咀食飯，之後自己揸車返屋企，去到將軍澳隧道口時，畀警員路障抽車截查，吹波仔時指數輕微超標，有三十幾度。」他強調當時沒有超速駕駛：「我唔係飲咗好多，只係飲咗啲啤酒，亦冇醉意，不過我都覺得自己唔啱，飲咗酒係絕對唔可以揸車，呢樣嘢冇得講，今次係一個懲罰，我應承以後都唔會！」

承諾不再犯

一再惹上官非，問Amigo會否擔心形象徹底被毀，他認真地說：「我已經一路好檢點自己嘅生活，今次真係一時大意，亦都好後悔，真係承諾以後唔會再犯。（有冇同公司備案？）有，公司叫我如實將件事講出嚟。」