丁太楊千嬅前晚個唱邀得十年前的「舊相好」陳奕迅（Eason）任嘉賓，「吹神」Eason除了穿上當年個唱的頭紗出場外，更與千嬅在台上吹足15分鐘。期間High爆的他動作多多整爆衫，令千嬅笑到碌地，其後又走近觀眾席讓歌迷摸屁股。
席間，Eason在台上追問千嬅有關植入羊腸線的報道，並笑說：「咩係羊腸線呀？你親戚呀？」返後台前更當着丁子高面與攬啜千嬅。
至於換上多套靚衫的千嬅亦不讓Eason專美，首次以Rock女造型與at17成員盧凱彤彈結他，當她送出高爾夫球優惠券給歌迷時，竟說成送會籍，嚇得台下的丁子高耍手擰頭，千嬅事後說：「佢發咗癲！我講錯咗，嚇到佢面都青埋。」並否認注入羊腸線收身：「我係有針灸，不過係為咗醫哮喘。」