鄧永鏘的愛女鄧愛嘉（Victoria）早前獲邀與時裝品牌3.1 Phillip Lim合作《4 X 3.1》計劃，由Victoria「處女下海」拍攝短片，片中女角均穿上品牌服飾：「我男朋友做我助手，細佬就喺片中做臨記！爹哋睇完有讚Well Done！」她又透露與英國籍律師男友拍拖十個月：「我哋好夾，大家都好隨和，唔會斤斤計較！爹哋都讚佢幾好，話我終於搵到一個叻嘅！」
另外，品牌昨晚舉行派對慶祝是次計劃，吸引任達華與琦琦、Lisa S.、周汶錡、謝婷婷及Jocelyn等慕名而來。周汶錡與婷婷自認是Phillip Lim擁躉，周汶錡更笑言要與對方合照及欲為其品牌行騷。而婷婷則表示四年前買下該品牌衣服至今仍不捨得開封，又透露目前忙於練Boxing及跆拳道，但不會叫男友安志杰教，怕他心痛。
