憑《公主嫁到》「搞鬼駙馬」金多祿一角備受好評的陳豪，今年大有機會再嘗視帝滋味，但去年視帝黎耀祥的《巾幗梟雄之義海豪情》首播在即，「親生仔」林峯則被傳是內定視帝，令他寢食難安！陳豪昨晚與林莉、歐陽妙芝、楊洛婷及何國鉦等出席運動用品活動時，被問到是否與祥仔夾擊林峯？他說：「冇呀！《公》劇好睇，祥仔嘅《巾》劇都好正，未出街睇片都覺得好正！」問到誰是視帝大熱？陳豪似乎當林峯冇到，只向祥仔大笠高帽：「如果畀我揀都撐祥仔，佢要攞一定畀佢啦！祥仔係好多人心目中嘅男主角！」

已為人母的名模歐陽妙芝與著名時裝設計師何國鉦喜相逢。

祥仔與林峯一個公認好戲，一個靚仔冧死女，未知視帝寶座最終花落誰家？

讚廖碧兒着衫有Taste

問到林峯是否沒有機會時，陳豪即笑騎騎「補飛」：「唔好咁講！佢又開演唱會又拍電影，點會冇機會呀！」又激讚對方多才多藝：「佢又靚仔，唱歌又好，唱歌發展空間仲多，佢係TVB成功塑造出嚟！」問到言下之意是否指林峯的演技未及唱歌好？他說：「好似祥仔喺呢行浸咗咁耐，大家都Feel到佢嘅辛酸，我都有咁嘅經驗，反而阿峯就冇咁多！佢歌藝就好，係佢嘅強項，我同祥仔嘅強項放喺做戲方面！」對於緋聞女友廖碧兒（Bernice）奪得十大衣着獎，問到會否向對方請教？陳豪說：「唔好咁講！着衫得兩個字形容，一係好睇，一係唔好睇！不過佢OK o架！」

放大圖片	任司儀的楊洛婷最近密密吸金，但不打算買樓結婚。	林莉與師弟黃千肯齊齊出席活動。

祥仔自詡天生演員

此外，黎耀祥獲邀任《以時相聚》的壓軸嘉賓，問到何時培養出對戲劇的興趣，他笑說：「我覺得自己係個天生嘅演員！」並表示難忘亡母對他的影響：「喺娛樂圈要從低做起，自細媽媽就教我做人要自強不息同有堅持，我奮鬥嘅動力就係咁培養出嚟。」