模特兒周倩圯（Samantha）早前到英國、德國及法國旅行，雖然弄傷腳，但換來靚仔搭訕。她表示德國之旅令她印象難忘：「我第一次去，但左腳因為行得太多路而起咗大水泡，右腳又因為參觀王宮後花園時落大雨，朋友拉我走而唔小心仆親，搞到行路都要就住！」話雖如此，但Samantha卻因禍得福，遇上靚仔搭訕，她笑笑口說：「有次搭地鐵，朋友都上晒車，我因為腳痛行得慢入唔到，得番我一個喺月台，企我隔籬等車嘅外籍男士見到就好好心咁同我傾偈，仲讚我靚女！」而Samantha又大讚對方靚仔，不介意發展異地情，可惜傾談間發現對方是已婚人士。