對於曾志偉再次挑戰黃百鳴，開拍賀歲片《我愛香港》對撼，黃百鳴表示即管「放馬過來」，又笑言志偉眼紅他。而《我》片導演鍾澍佳揚言有信心撼贏黃百鳴：「今次古仔由80年代拍到依家，以屋邨故事為背景，邵氏片場已經搭緊一個屋邨實景。（製作費好高？）應該會比上一部多。（有信心撼黃百鳴？）有！希望大家都做得好啲！（有乜卡士？）唔止TVB啲花旦小生，仲有80年代嘅演員。（四大天王？）唔講得，依家賣個關子先，遲啲會公布。」對於早前志偉表示《我》片將提及菲律賓人質事件，鍾導演表示為免勾起港人傷心記憶，因此決定不拍該部分。