米高德格拉斯較早前宣布患咽喉癌後，不斷傳出病情惡化的消息，老婆嘉芙蓮仙蒂鍾絲甚至取消工作，陪伴左右。不過，前日米高透過發言人公布好消息：「米高為期八星期嘅治療，只剩番一次就做完，佢康復得唔錯，未有安排其他治療，只係六星期後休養完畢，再定期覆診就得，米高知道後好開心！」又指米高進食時雖然感到痛楚，卻從未插喉進食。

容顏憔悴似老十年

據知情人士透露，米高雖抗癌成功，但看來非常憔悴：「佢抗癌用咗好多精力，睇上去好似一個禮拜老咗10年咁！」又指米高將會息影，不再接拍新片：「患病之後，米高好珍惜同屋企人嘅時間，佢想多啲時間陪屋企人同休養，唔再接新戲！」

執導米高新作《華爾街之金融大鱷》的導演奧利華史東，大讚米高非常勇敢：「米高一方面因病唔可以出街，但就好多人偷影佢，仲有患病嘅痛苦，但係佢好落力戰鬥，你知道，雖然癌症可以痊愈，但要好長時間。」