樂壇女新人王若琪（Takki）早前加盟金牌大風，除了將與另外三位女新人推出合輯外，年底亦會推出個人專輯。去年Takki星途不算順利，令她感到挫敗：「08年底出碟，隻碟『冷』咗之後接唔到工作，好唔開心！」雖然工作不順心，但額外的空閒令她得到意外收穫：「我去咗內地山區探訪，為活動作咗首歌，啲小朋友係當校歌咁唱。我覺得有時歌手做一樣嘢，未必有即時回報，每個機會都應該珍惜，呢個係我思想上一個轉捩點。」
雖然遇上挫折，但Takki始終冇打退堂鼓：「上年係有啲諗過放棄，但爹哋媽咪又支持，點解唔豁出去？心諗係咪應該跨一步出去，當係最後機會咁做好自己？」今年捲土重來，她最希望再讓別人重新認識自己：「最初以為唱歌作曲方面最緊要，今年開始先發覺其實形象最重要，我啱啱入行嗰時做訪問好公式化，好似報新聞咁，驚講錯嘢，依家我會將真正嘅自己話畀人聽。」