08/10/2010

播放本新聞相關短片

楊丞琳Elanne大眼睛Blink爆嚇鬼

擅拍鬼片的彭氏兄弟最近挑戰立體技術,帶觀眾親臨靈異世界!二人讚主角楊丞琳及江若琳(Elanne)均有一雙大眼睛,令嚇樣更逼真!

彭氏兄弟彭順及彭發最近將近年大受歡迎的3D技術加入新作《3D童眼》中,鬼手怪物猶如「飛」出銀幕,帶來更驚嚇的效果!提到楊丞琳及Elanne的「嚇樣」,彭氏兄弟均十分滿意,因兩女均有一雙大眼,加強戲劇張力!彭發說:「基於市場考慮,我哋想搵個香港以外嘅人氣女星,於是就諗起楊丞琳!佢對眼夠精靈,被嚇嗰陣對眼都會大啲!」至於Elanne在片中被嚇暈及鬼上身,甚有發揮,贏得彭順讚賞:「收貨!佢唔止Cute,仲可以試好多唔同嘅嘢!」

對於新片運用3D技術,彭順坦言事前已知甚有難度,攝製時間亦比一般電影多花幾倍:「每擺一個鏡頭都要45分鐘,一日只可以拍幾個鏡頭,演員成日都要等Set機,要隨時Ready情緒,絕對唔易!」但他笑言最難應付的竟是片中能見鬼的「通靈犬」,因牠不論太夜或是吃得太飽都會「冇精神」。兩兄弟對新片票房甚有信心,彭順說:「觀眾要入場先感受到個立體效果!(下一部戲再拍鬼片?)應該唔會住!」問到會否拍3D色情片?彭發笑說:「唔係啩!一係自己落場!」

彭順未有造人大計

另外,彭順跟李心潔結婚已一段日子,問到婚後生活有否改變?他說:「整體係開心嘅!都差唔多,慣晒聚少離多!(老夫老妻感覺?)係啦!(造人大計?)暫時未有!(再合作?)會呀!好有可能出年!」

影視組