亞視《亞洲星光大道》第一屆冠軍羅力威（Adason）的新碟遲遲未推出，令Fans焦急難耐，他解釋向來要求高，加上首次出碟特別緊張，寧願慢工出細貨：「基本上啲歌已經準備好晒，係諗緊用咩方法騷出嚟，留個深刻印象畀大家。我負責全碟作曲，呢方面唔難，反而要維持成隻碟嘅完整性難啲！」《亞》已經進行到第三屆，Adason指有留意比賽，特別欣賞楊麗珊的表現：「佢好有美國人嘅靈魂，今屆比賽好豐富，好好睇，參賽者之間好親近，少一份令人流汗嘅感覺。」早前他與粉絲一起成立了國際歌迷會，在裝修方面亦有給予意見，他說：「入面會擺Fans送畀我好珍貴嘅禮物，Fans支持我到今日，我有三個心，係安心、放心同窩心。」