Jessica C.死背兇惡對白

混血名模Jessica C.（JC）廣東話欠佳，故在新片中被不少對白考起，提到最深刻的對白，她即一輪機關槍說：「趕佢哋走！」「我警告你！」「你點我？」不過因發音不準，每句都要講足幾次才明白其意思，問到為何對白都如此「兇惡」？她說：「我喺戲入面同周秀娜會鬥沙灘排球，因為我哋有誤會，我要鬧佢哋！（講廣東話難唔難？）超難！有時唔知點解，只係靠死背，但又要做足表情！」監製Peggy不忘大讚JC態度良好：「JC好勤力，即使傷咗都唔出聲，又會主動問清楚每場戲點演。」