08/10/2010

播放本新聞相關短片

朱茵靠心靈感應 識破姦情

性感女神朱茵最近接受《娛樂onShow》訪問時大講偷情,原來她擁有與生俱來的心靈感應,會知另一半是否不忠,看來黃貫中要醒醒定定了!

講到性感Icon,一定不可不提朱茵,她彷彿是不少本地男生的集體回憶!事隔多年,朱茵將重踏舞台演出《瘋狂夜宴搞偷情》。她最近接受ontv《娛樂onShow》主持人俞詠文訪問時,毫不保留地暢談對偷情的睇法,兩個女人一個墟,在酒店內無所不談,相當熱鬧!

問到若然另一半偷情怎辦?朱茵斬釘截鐵的說:「真係會感受到o架!因為人去到某一個地方,氣氛感受係會唔同!可能係格局同磁場問題,只要對方有做虧心事,另一半就一定會知,無論男或女都一樣!」如此一說,男友黃貫中(Paul)定必要銘記於心、安守本分。身處酒店房內,朱茵毫不忌諱坦言酒店偷情比較有利:「真係方便啲同易清潔,又有Room Service,唔使收拾現場,方便啲懶惰人士,冇咁易被撞破!」

「會喺梳化搞埋」

闊別舞台多年,朱茵會在舞台劇中性感大解放,一於豁出去:「講明偷情,一定會性感!今次我哋仲會搞睡衣派對,我劇中件睡衣都好得,Lace加透明肉色,好有復古Feel,到時唔排除會學狄娜姐姐騷腿,仲會喺梳化搞埋!你知啦,唔一定喺床o架嘛!」

專案組