08/10/2010

播放本新聞相關短片

林莉潮爆近視妹 「紋上眼」

本文重點
名模林莉公餘時會變回「四眼妹」,至愛紋身花卉圖案的鏡框,「四眼」令她變化多端,更想起不少小時候樂事!

林莉雙眼有三、四百度近視,公餘時會變回「四眼妹」,讓眼睛好好休息。她表示現時眼鏡款式多多,至愛是紋身花卉圖案:「細個嗰副眼鏡框係銀色邊、金屬框,到高中就換咗膠框。我好極端,依家一係會揀啲好低調,一係就勁誇張!我之前寫真玩過人體彩繪,不過我怕痛,唔會紋身,不過我又好鍾意啲花,所以揀眼鏡都鍾情懷舊Feel同花,我就鍾意Ed Hardy嘅花,貪佢似紋身圖案!」

矇查查食波餅

講起眼鏡,林莉否認當年為貪靚而不戴眼鏡,其實另有原因:「我細個好老土!屋企人都有近視,成日去驗眼,咁得我一個冇近視,以為好叻!點知有次隔咗好耐冇去驗眼,我發現睇嘢矇矇哋,不過唔敢講畀屋企人知!不過我生得高大,喺課室坐後排,成日睇唔到黑板,要問同學借筆記抄!」她更試過因為打排球而不戴眼鏡,未知是視力不濟,抑或反應太慢,令她「硬食」不少波餅!

專案組