曾志偉最近密密開戲，除明年三、四月有意開拍電影《江湖2》找黃宗澤演出外，稍後又會開拍賀歲搞笑電影《我愛香港》：「因為菲律賓單悲劇，我要帶正能量畀香港人，戲中會安排一個角色，嗰個人成日講錯嘢。」
此外，志偉昨日與港姐錄影節目《名人廚房》，港姐炮製不同口味雞翼，志偉則帶齊材料到場，示範自家製的烏冬和蜆。葉翠翠和高海寧各展所長，翠翠更稱媽咪很緊張教她香蕉炸鳳凰翼：「我用咗兩個星期準備，阿媽嚟埋監場，可能怕我失禮佢，因為阿媽學廚十幾年，我得佢真傳集中西餐。（男友試味？）冇喎！邊個做到我男友一定好幸福。」
