農夫、G.E.M.及樂瞳昨日出席《麥當勞叔叔之家慈善基金日》活動，呼籲小朋友參與馬拉松行善。對於港台頒獎禮擬提早於平安夜舉行，令不少歌手痛失接騷的黃金機會，G.E.M.表示平安夜當晚有不少客戶邀請出騷，但實際工作仍未落實，還賣口乖說：「港台一向都好支持我嘅音樂，冇傳媒呢個渠道幫我宣傳，就冇咁多人搵我出騷添啦！不過有傳依家係下晝搞，應該同工作冇衝突。」

陸永、樂瞳、G.E.M.和C君昨日出席活動，呼籲小朋友參與馬拉松行善。

童心未泯的C君，在台上與小朋友玩個痛快。

太多獎唔矜貴

農夫則表示每年平安夜都有工作，C君說：「好似話係晏晝搞嘛！晏晝唔阻嘅！多數都係夜晚先有工作。（冇四台聯頒大獎失望？）唔會，對我哋冇乜影響，一向同呢個獎冇緣。」

而陸永坦言香港有太多頒獎禮、太多獎項，希望將來所有頒獎禮合一，增添公信力：「太多獎變得唔矜貴，好似外國頒獎禮咁，少啲獎就顯得好重要，就算提名都會好開心。」

提到G.E.M.在新歌《Good To Be Bad》MV嘗試表現大膽意識，她說：「好大膽咩？所有大膽動作都係Dancers做之嘛！我只係喺前面跳舞。（歌迷反應？）有人鍾意，但又有人話比較鍾意之前嘅我。」