米雪覺得陳豪在《公主嫁到》中演出有突破，大有機會奪視帝：「《公》劇三兄弟角色Lead（帶）住觀眾，陳豪角色好得意，發揮得好好，係佢近期一個突破，個劇用咗卡通手法拍，角色會得觀眾喜愛。」《義海》雖未播映，但她大讚祥仔的演技毋庸置疑：「個個都好戲，只係睇演員拍嗰套劇係咪嗰期Hit，攞獎好即興嘅！」
此外，陳法拉在《巾幗梟雄之義海豪情》中飾演黎耀祥妹妹，將靠「苦」上位而有機會爭視后。對於今年視帝之爭，法拉力撐祥仔：「大熱嘅陳豪、林峯、黎耀祥都係我好朋友！但祥仔好有阿哥感覺，撐佢！（同鄧萃雯爭視后？）個劇未出又未有提名，點爭呀？雯女係女主角，佢同惠英紅教咗我好多，我仲有好多嘢要學。」
