台慶頒獎禮於12月舉行，雖至今仍未有提名名單，但坊間已對視帝、視后人選作出不少揣測，原本無綫有意捧從未奪過視帝的林峯「開齋」，但其主演的《談情說案》無論口碑及收視都不及《公主嫁到》，《摘星之旅》更慘淡收場，至於本月18日播映的《巾幗梟雄之義海豪情》也來勢洶洶，令陳豪和祥仔形勢稍為佔優。

扮演魔術師的陳豪，與秋官鬥戲。

祥仔的白眉太監造型，十分突出。

與秋官鬥戲

陳豪和祥仔雖已屬視帝級人馬，但日前仍分別出盡力為無綫拍攝節目巡禮。其中陳豪以魔術師造型，跟鄭少秋在天台拍攝新劇《心戰》的片段，在高空大鬥內心戲，簡直搵命博！對於視帝之爭，陳豪坦言《公》劇收視好令他有信心：「暫時大機會，好多觀眾心目中都撐！」秋官亦大讚陳豪用心演《公主》，睇好他可奪視帝。

另一方面，祥仔日前被拍得以白眉太監李蓮英造型，為節目巡禮拍攝《大太監李蓮英》片段，事後他受訪時表示渴望演活李蓮英這位歷史人物，因覺得是個大挑戰。談到有否信心《義海》收視贏《公》劇，祥仔說：「有信心！人頭擔保係好劇，就算唔收得，拍到呢套劇都今生無悔！我仲有信心『冧莊』視帝添！（勁敵係陳豪？）佢的確係好強嘅對手。（林峯呢？）佢今年歌影視氣勢都很強，《談情》口碑同收視都好，都睇好佢o架！」