張栢芝昨日戴上帽子及身穿短褲到機場出席奧比斯活動，大騷纖幼美腿，身為「睛彩之星」的她，呼籲各界關心全球失明問題，現場公關表示栢芝不接受訪問，因想將焦點放回活動上，故拒絕談及私事。

席上栢芝表示會捐出一百萬港元幫助患有白內障的眼疾童，問到為何決定捐錢？她說：「我好鍾意小朋友，知道佢哋十歲以下做手術，康復率有85%，希望幫到佢哋！捐一百萬係想手術成功率可以有100%！」她又指其祖父母均是聾啞人士，當時未能獲得醫治，故她希望盡所能幫助所有病患者。

感受視力模糊慘況

嘉賓其後移師停機坪，參觀眼科飛機機艙，栢芝為體驗白內障患者的感受，她戴上「特製眼鏡」步出機艙，見她行動緩慢，每行一步均十分小心，最後要在醫務總監的扶持下才能落樓梯。事後栢芝表示戴上眼鏡後視力模糊：「只係見到啲影！好彩有人扶，體驗到病童慘況，希望佢哋多啲人幫，條路行得順啲！」問到會否帶走眼鏡給兩名兒子，以活動教學形式教仔？她說：「會！不過Quintus仲細，我會畀Lucas，等佢知呢個世界唔係咁幸福，教佢珍惜眼前一切。」

栢芝戴上特製眼鏡。

栢芝戴上「白內障眼鏡」步出機艙，舉步維艱，要由醫務總監攙扶。

栢芝表示在機上看到不少相片及短片，見到患者手術成功後，其父母都會開心流淚，令栢芝大受感動！