歌手鄧穎芝（Vangie）前晚與男子組合Charcoal為時裝品牌「The Other Duck」行騷，她以真空大露背打扮上陣，她說：「今次係義務幫忙，所以真係好搏o架啦！（怕真空凸點？）唔驚！做足晒防禦措施，仲特登做咗個背脊嘅磨沙添！」提到新工作，Vangie表示現正斟洽唱片公司，很大機會合作，下月還會出碟！另外，她自爆座駕日前被醉駕司機撞倒，卻反被對方斥責：「我最唔開心係畀人屈，真係喊出嚟咁滯！之後Check到嗰個人醉駕，同埋警察都信我，但架車傷得幾嚴重，惟有當破財擋災！」