黎耀祥擔任百佳超級巿場代言人，以滿意酬勞拍攝新一輯電視廣告，繼上次與兒子合作後，今次他與太太Julia夫妻檔上陣，他笑言會將酬勞放入聯名戶口，而首次拍攝電視廣告的Julia坦言拍攝前緊張到肚痛。問到覺得太太表現如何？祥仔說：「佢平時跟我出去拍嘢都偷唔少師，表現都OK。」他們表示有空都會拍拖買餸，不過多數由他買餸：「我買會着數啲，通常啲老闆都會畀最靚嘅我，買菜都會夠秤好多。」拍攝期間，有特約演員扮成主婦Fans，問祥仔有否信心再奪視帝？祥仔說：「有嘅！因為《巾幗梟雄之義海豪情》成個戲都好好！（林峯係咪最大對手？）佢都幾好！之前演唱會同《談情說案》反應都好好，個勢唔錯。」