周永恒（Roy）太太趙梓淇（阿Yu）大前日誕下女兒信希（Debbiejoy），重2.6kg，原定預產期是下月一日，但BB卻搶閘於二十二日中秋佳節出世。初為人父的Roy接受電話訪問時興奮地說：「太太本來喺二十一號迎月當日去覆診照超聲波，但醫生話佢胎水少，所以當日即時入院催生，佢由夜晚十二點痛到清晨五點幾就生咗BB！」
Roy自爆為女兒剪臍帶時雞手鴨腳，並笑說：「原來條臍帶好韌、好似粉腸，以後唔食粉腸粥！（個女似你定似阿Yu？）BB好靚女，身形似阿Yu手長腳長，鼻大、大條眉又似阿Yu，仲有小酒窩！」不過，BB女樣貌卻跟Roy十分相似，難怪他笑不攏嘴。至於女兒的英文名，Roy說：「Dabbie係牧師Jaeson Ma改嘅，Joy係MC Jin改，簡稱DJ！」
至於昨日已出院坐月的阿Yu選擇餵人奶，雖然湊BB十分疲累，但她仍感到十分開心，母性大發的她經常呆望女兒：「都冇預計佢咁早出世，本來十月一日出世可以放煙花，依家中秋出世就食月餅同玩燈籠！」她笑言十分中立，不會像老公般讚女兒漂亮。