莊思敏、諸葛梓岐、汪圓圓、Cara G.、Jessica C. （JC）及鍾浠文等模特兒昨晚聯同歌手江若琳為又一城舉辦的秋冬時裝匯演行騷，其中以莊思敏最性感，穿上兩套超Deep V連身裙，大騷隆胸後的豐滿上圍，相反Jessica C.的「警鐘胸」就完全冇影。

莊思敏、JC、江若琳、諸葛梓岐及汪圓圓等示範最新秋冬時裝。

隆胸後的莊思敏，果然奇「峰」凸出！

對於性感打扮，莊思敏自豪地說：「今次嘅衫終於可以見清楚啲（個胸），我係想有咁嘅效果！以前着唔到咁V嘅衫，因為太低V，戴唔到Bra，所以大會唔會畀我着，怕分唔到前面同背脊。」她坦言對上圍感到非常滿意，但不會刻意作性感打扮。問到是否打低Jessica C.？她說：「我都估唔到佢咁密實，因為我哋分開試衫，我初時以為個個嘅衫都係咁。（你搶咗佢個警鐘胸地位？）唔知！好難講，我唔做警鐘胸，改另一個名得唔得呀？仲有乜嘢胸？」

自認身材輸蝕的江若琳，行騷只是「露少少」！

為免正面交「峰」，JC留前鬥後騷玉背。

讚假胸手感好

此外，江若琳自認身材輸蝕，惟有出動六吋私伙高跟鞋，並自嘲其高度的水平線剛好對正莊思敏的胸部：「我話好羨慕佢，問佢可唔可以畀我摸。（覺得點？）手感好好。（你又隆胸？）唔需要，我身材好平……均，好夠用。」她又自認怕醜，幸好大會安排一個隱蔽角落給她換衫。而汪圓圓則承認由姐夫甄子丹搭路，推薦接拍黃百鳴的賀歲片，問到同片是否有古天樂？她表示不知情，問到會否怕被對方電親？她笑說：「靚仔唔代表識溝女，我都見過好多靚仔，靚仔唔代表一切。」