剛於七月時，米路吉遜對俄羅斯籍舊愛Oksana Grigorieva爆粗與死亡恐嚇的聲帶在網上曝光，令他一夜間名譽掃地，其後他一直深居簡出。不過，日前米路終於按捺不住外出，還選擇變裝上陣，似乎想掩人耳目！

相中所見，米路黐上假二撇雞及穿上格仔恤衫，變身成一個留鬍子的大肥佬，還戴上粗框眼鏡與鴨舌帽，的確變化不少。他兩個月前身形仍弗，故頂着的大肚腩究竟是脂肪還是「假狗」，至今仍不得而知。雖然苦心經營偽裝出巡，但仍被狗仔隊成功識破，相信米路勁冇癮。

妒忌舊愛錫晒兒子

另外，Oksana的父親Petr Chernukha日前受訪時聲稱，米路友人由於不喜歡Oksana，經常介紹米路召妓：「米路嘅朋友帶妓女到米路嘅公司畀佢，甚至趁Oksana唔喺度時，直接將妓女帶去佢哋屋企！」Petr又指米路妒忌Oksana將注意力放在與前占士邦鐵摩達頓所生兒子Alexander身上：「米路冇掩藏對Alexander嘅妒忌，憎恨佢甚至有次仲打佢。嗰次之後Oksana盡量唔畀米路同Alexander碰面。」