在內地專門扮毛澤東的演員紅心，昨日在林莉及「翻版張栢芝」貢米陪同下簽約朱永龍旗下，「升呢」師姐的貢米與紅心在台上熱舞，更渴望與對方合作明年開拍的電視劇《毛澤東在東北》。

李治廷	貢米直認冧李治廷，更大讚對方做事認真。

因與李治廷合拍電影而傳緋聞的貢米，含羞答答地大讚對方：「他做事認真，又容易相處。（喜歡嘅類型？）我喜歡好多類型，呢種都幾好。」她又自爆以不純正的廣東話拉近大家距離：「佢成日話我廣東話講得唔準，好似講粗口咁，試過將『我等你成朝』講咗『我等你食蕉』！（因為呢啲可愛錯誤氹到對方？）唔係呀！佢會糾正我，覺得我好搞笑。」

林莉恨進軍影壇，但擔心身高難搵合適角色。

林莉（左）和貢米（右）昨日見證紅心簽約。

林莉恨演戲

另外，四度扮演毛澤東的紅心成為貢米師弟，他表示來港簽約是希望拍更多香港投資的紅色愛國電影。而同場的林莉直言恨演戲：「以前淨係想專心做Model，但依家覺得兩者都有共通處，影相都要交戲o架！（身高難搵合適角色？）擔心！不過順其自然，有合適咪一拍即合囉！」