吳雨霏（Kary）、鍾舒漫（Sherman）、RubberBand及洪卓立昨日出席活動，貪靚的Sherman與Kary將大會T恤剪短，Sherman不慎露出底褲邊，有指鼻炎影響唱歌，她說：「唔係叫停咁嚴重，平時抖氣好辛苦，去咗睇專科照內窺鏡，醫生話我疲勞過度搞到鼻軟骨腫咗同喉嚨起『繭』，休息多啲就冇事。」早前跌了手機的Kary透露遺失信用卡，她說：「呢排好黑仔，都係自己衰，銀包愈換愈細，搞到跌咗張信用卡，即時打去Cut卡。」而RubberBand透露新專輯反應理想，並登上銷量榜冠軍，他們說：「已經即時加印。（加速喺紅館開騷？）都想，等公司安排。」
