對於「小巨肺」林欣彤在《超級巨聲2》中彈出，成為樂壇新焦點，關心妍昨晚演出新城音樂會時，大讚對方唱得好：「樂壇多啲新血係好事。（威脅？）冇咁諗，只會諗幫唔幫到香港樂壇，我知道好多公司向佢招手。（你公司？）唔知呀！要問番老闆。」她笑言作為前輩，會搞「花臣」吸引觀眾。同場還有官恩娜、洪卓立、梁漢文、狄易達與HotCha等，其中身穿女裝斗篷的梁漢文，以「留鬚中性Look」搶鏡，更自爆與太太因襯衫問題而鬧交：「有次太太要我着Deep V，再喺胸前加隻蝴蝶騷事業線，我真係接受唔到咁女人囉！」