張家輝剛於《第10屆長春電影節頒獎禮》中奪得影帝，憑電影《証人》奪得7項影帝殊榮。他昨日與英皇集團主席楊受成、導演林超賢及英皇電影行政總裁利雅博於中環舉行祝捷會，更即場開香檳慶祝，家輝坦言不想因為得獎而飄飄然：「今日公司都想叫我攞晒啲獎出嚟，我唔想炫耀，只會當美好回憶。（攞邊次影帝最High？）每次都七上八落，衝擊最大係第一個，感受最多。」問他會否拍西片，他說：「要我講流利對白，刪改係正常事，但我兼顧唔到，對白好又要做好戲，所以寧願拍內地片多啲，Pick Up普通話易過英文。」

張家輝在《長春電影節》憑《証人》七度稱帝。

放大圖片

假哨牙入場睇戲

此外，家輝透露英皇電影《綫人》上畫1周收700萬，大有機會超越《証人》，早前他更親自買票到旺角戲院看了兩次，並觀察觀眾的反應。他說：「我戴住假哨牙同帽入去，坐我側邊個女仔都睇到喊，佢男友問佢做乜喊，我想話喊都好正常呀！副假哨牙多年前貪玩喺牙醫訂造，四、五千蚊，不過睇戲嗰陣就成日要吸口水，之前喺屋企戴過，笑到老婆踎喺地。」問到《綫人》票房佳會有甚麼表示，他說：「如果票房過千六萬，我喺條正常褲後面剪個大窿，然後環繞一圈，裏面唔着嘅！（咁咪露股肌？）要練一練先。」