陳柏宇師妹方珈悠（Jaime）以甜美形象殺入樂壇，近年愈來愈多美少女推出超激寫真集，今年她亦大膽加入戰團，但以電子寫真的形式出戰，Jaime說：「影寫真集係唱片公司嘅主意，我覺得都OK喎！可以擁有自己嘅寫真集，都冇話猶豫或者經過心理關口，好快就答應咗。」問她完成寫真集後，會否擔心被人歸納入性感歌手？Jaime聽後停頓了數秒，說：「你咁講即係覺得性感係唔好？其實我唔覺得性感有乜問題，性感唔係壞事，我唔介意人哋用『性感歌手』嚟形容我，性感都可以係形象啫！」她直言即使要跳騷味較濃的舞步，亦可以接受：「唔係着得少就係性感，性感係一種感覺！」

放大圖片	Jaime愛做模特兒，對着鏡頭會本能地擺甫士。

男士在場不尷尬

對於o靚模充斥娛樂圈，Jaime不擔心會被列入o靚模類：「我有睇過佢哋嘅寫真集，有啲甫士的確令人有唔好嘅諗法，但係我知道我要點擺甫士，最緊要望落去靚！」她坦言有參考過周秀娜及Angelababy的寫真集，大讚兩人性感又靚。至於拍攝過程，Jaime不覺得尷尬，亦不需要飲酒壯膽：「因為我平日都好少飲，我只係用興奮嘅心情去影，我覺得同平日工作差唔多，而且我都好鍾意畀人影相！影嘅時候，攝影師都會同我講想我擺啲咩甫士，我就冇所謂，最緊要自然同靚，大家互相配合。（清場？）冇呀！雖然大部分工作人員都係男性，但係我又唔覺得尷尬，因為之前合作過好多次，我好信任佢！」

方珈悠認為性感在於感覺，不在暴露。	初出道的方珈悠，與同公司的陳柏宇合作無間。	方珈悠熱愛唱歌跳舞，希望在樂壇闖出一番事業。