陳慧琳（Kelly）昨晚打扮靚靚出席派對，同場還有台灣型男賀軍翔、官恩娜（Ella）、何超雲、何超蓮、林莉、榮文蔚，以及曾與鄭嘉穎傳緋聞的模特兒徐靖雯等。身穿黑色連身裙的Kelly高貴迷人，雖然盡騷修長美腿，但被中門大開的Ella比下去！

同樣是潮媽的趙嘉懿，扮靚靚現身派對。

陳慧琳出席派對時，坦言心急返家睇蝦餃仔，十分搞笑！

心掛掛趕返家

問到為何不低胸上陣，Kelly說：「做咗媽咪唔會着得咁低胸，因為BB會抓！」問到派對後是否趕返家見寶貝蝦餃仔劉昇，她說：「返到去都瞓咗啦！不過我都會趕返屋企，始終心掛掛！」她笑言做媽咪後甚少買衫給自己，購物都以蝦餃仔行先，至於何時安排他返學，她說：「未有耐，佢仲好細個。（搵咗學校未？）搵學校係大事嚟，我冇諗呀！交畀老公諗啦！希望佢努力啲幫我排隊啦！」

曾與鄭嘉穎傳緋聞的徐靖雯，穿上Tube Dress搶鏡！

賀軍翔與陳慧琳在台下專心睇騷。

至於大騷「事業線」搶鏡的Ella，笑言已做足安全措施：「我有黐膠紙o架！（騷事業線？）件衫係大會贊助嘅，我都冇事業線，我唔係想露胸o架！」