由英皇電影負責香港區獨家發行的新片《狄仁傑之通天帝國》，將於威尼斯電影節舉行全球首映，導演徐克提早出發，於當地時間前晚深夜飛抵威尼斯，準備頒發終身成就獎給好友吳宇森。兩位名導早年拍攝《喋血雙雄》時因意見不合，最後分道揚鑣發展，其後兩人亦曾坦言當年的確有意見分歧，但澄清無礙兩人深厚友誼。

今次大會安排徐克頒獎予吳宇森，可謂意義深遠，對於好友獲殊榮，徐克卻直指太早：「依家頒終身成就獎畀吳宇森係早咗啲，等於係表彰佢到目前呢個階段嘅成績，但係未來佢仲會有好多更好嘅電影出嚟，會有第二個終身成就獎嘅！」

不避嫌恨見評審主席

《狄》片成為今屆唯一入圍電影節競賽單元的華語電影，徐克從容表示：「得獎並唔係目的，喺影展能夠睇到好特別嘅好電影，仲見番好多老朋友，先係最重要！」縱然好友昆頓塔倫天奴乃今屆評審主席，與有片參賽的徐克理應「避嫌」而不碰頭，但徐克直言期待與老友敍舊，因自從04年於康城電影節與昆頓碰面後，一別已有六年！

此外，由吳宇森監製、蘇照彬執導的電影《劍雨》昨日舉行記者會兼全球首映，楊紫瓊、吳佩慈、余文樂及吳宇森女兒吳飛霞盛裝出席，穿上紫色Tube Dress的楊紫瓊容光煥發，愈來愈靚，而導演表示很尊重吳宇森，直言對方幫了他很多。