賭王何鴻燊與三太陳婉珍的女兒何超蓮本與男友Jeremy愛得如膠似漆，但最近情海翻波，日前超蓮在微博表示「好痛好痛……真的好痛，眼淚不停的流，我是真的做對了嗎？」又反問自己現在是否單身，字裏行間暗示已與男友Jeremy分手，但她在昨午即刪除該文章。前日，記者在中環遇見一臉愁容的超蓮和同性好友行街，超蓮全程零笑容，等車期間又不停訴苦，最後沒有接受訪問便離去。

超蓮經常與Jeremy出雙入對，但近期醞釀分手危機。(資料圖片)

超蓮否認與Jeremy分手，並大讚男友對她很好。

承認「唔開心咪喊」

昨晚，超蓮穿性感服飾與姊姊超雲出席《愛心滿東華慈善晚會》，甫到場即被問及與Jeremy分手一事，超蓮說：「吓！唔知，唔知狀態係點！（冷戰？）唔知道！（見過Jeremy？）尋日先見到佢！（處理感情問題？）唔可以咁講。（佢花心？）吓！佢對我好好。（提起男友就喊？）唔開心咪喊囉，依家OK！」而身旁的超雲則說：「咁細個應該拍多幾次拖，攞多啲經驗囉！佢哋依家仲係咪一齊我唔知！」

超雲否認與林峯拍拖

其後超蓮又說：「我冇話甩拖！」並表示會向媽咪自動上報感情事。對於有傳與林峯傳緋聞，超雲再三否認：「我哋唔係朋友，識都唔識，私底下冇聯絡。只係我公司想喺佢套劇宣傳個Logo。嗰晚好多人，淨係影我同佢，私底下我哋冇聯絡。（拖甩後係咪多咗狂蜂浪蝶？）唔會，暫未搵到啱心水。」而超蓮亦幫口為家姐解圍：「佢哋唔係拍拖，可能係想宣傳套劇。」

另外，記者昨日致電Jeremy求證與超蓮分手一事，他說：「同超蓮關係冇變。（超蓮話單身？）我唔知，問番佢！月中我會返澳洲讀書！（超蓮唔捨得？）問番佢，我唔可以講咁多！（傳你花心？）我唔可以講咁多！（探何生？）唔方便講。」