離開體壇後，「璇美人」劉璇加入了娛樂圈，今年更進軍香港拍電視劇、唱歌及做司儀，樣樣接樣樣試，努力開創另一片天地。昔日的體壇天后，雖然擁有標準的體育明星身形，卻嫌身處婀娜多姿的女明星中仍是「偏肥」，故銳意減肥，她說：「之前幫世博會做主持，每朝由8點踩到夜晚11點，行咗好多路，瘦咗好多。」劉璇的減肥方法，除了日以繼夜工作忙到瘦外，原來旅行亦是減肥方法之一！她說：「早排去咗美國旅行，自己食唔慣西餐，日日都係食蔬菜沙律，加加埋埋一個月瘦咗6磅。」

劉璇刻意減肥，面頰的確比從前瘦削！

放大圖片

減肥瘦到凹

不過，嬌小的劉璇竟然嫌未夠瘦：「依家仲想減，我想再瘦一點就好了，自己鍾意面圓身瘦，但依家塊面就瘦到凹，有少少苦惱，自己一瘦就瘦面，好想身瘦少少，要睇吓有乜辦法減吓個身。（有冇減埋個胸？）今次好好，仲未瘦到個胸，但再減可能瘦埋個胸，好在自己唔鍾意大胸。（行性感？）唔會！我好驚性感，性感唔係我，我應該係陽光。」

劉璇來港發展，嘗試不同類型的工作。	劉璇昔日的體壇英姿，依然教人印象難忘！	劉璇（左）笑言被樂易玲笑是「古人」。資料圖片

保守的劉璇台上台下死守「保肉」任務：「自己從來冇着過比堅尼，游水都係一件頭，呢個係我嘅底線，自己好保守，亦好少去沙灘。（拍戲要Kiss、着泳衣點算？）之前有部戲要我Kiss，結果同導演講變擁抱，現階段依然接受唔到，連樂小姐（樂易玲）都話我係古人。」

劉璇早前在《新城國語力頒獎禮》中奪獎。資料圖片

劉璇（右）與陳法拉合作拍攝劇集《女拳》，磨練演技。資料圖片

「古人」劉璇卻要在香港生根，以優才計劃扎根香港的她，會否難於適應香港的生活？她嘆謂：「好難，香港節奏好快，自己由細到大都喺北京生活，好有規律，依家都未習慣，所以每次喺香港工作完畢，我就會返北京，北京畀我好多親切感。」