前日下午，Avis再出招冧未來外父外母！當日戴黑超的Chrissie與男友現身石塘咀酒樓，同枱還有兩名長輩，相信是她的父母。四人均穿上黑衫，以行動響應前日的全港悼念日。現場所見，Avis與Chrissie在長輩面前未有親熱舉動，他還與未來外父、外母雞啄唔斷，看來已非常熟落，但Chrissie卻掛住煲電話粥，連電視正播放師妹A. Lin及DaDa Lo的訪問片段亦望都冇望。由於當時正值下午茶時段，他們未有嗌炒粉炒麵，只主攻點心，頗為慳家，食飽飽後，Avis搶着說：「唔好爭啦！等我畀！」說罷即往付款處埋單，做足好女婿本分。

事後，記者致電Chrissie經理人Roy，他表示拍拖歎茶十分正常，並指他們並非首次見家長：「估計係Avis特登約Chrissie同佢父母歎茶。」對於菲律賓槍擊事件，Roy指Chrissie亦有留意並大感心痛，故穿上黑衫為死難者致哀。