成龍發聲明試圖平息日前在Twitter發表「無恨論」的風波，而多位藝人均對此作出回應。
姚予晴：「某程度上成龍又講得啱，着實喺某啲地方，呢啲慘劇曾經發生過，但今次慘劇發生喺我哋身邊，係好大件事，我覺得成龍唔需要同我哋道歉，我哋係唔可以批評佢，只係佢喺唔適當嘅時候講呢番說話，佢嘅說話可能會傷害到人。」
周柏豪：「我唔評論前輩，不過成龍大哥出來講對唔住，證明佢都係好關注菲律賓呢宗港人慘劇，我相信每一個香港人都係關心所有受害者同佢哋嘅家屬，亦相信佢幫到手嘅都會幫。」
白韻琹：「每個人都有權講任何嘢，其他人冇資格出聲。佢係成年人，只要件事冇犯法，自己又願意承擔後果，冇人有權干涉佢。大家鍾意咪擁戴，唔鍾意就咪睇！佢唔係細路，唔需要大家教佢。每個人都應該有原諒嘅心，話佢教壞細路就太過嚴重！呢個自由世界，每個人都有權發言，唔需要其他人做保長教訓人。」
汪圓圓：「佢有自己意見，身為藝人會影響好多人，佢所講嘅嘢令Fans失望！（你係佢Fans？）我有睇戲，幾好睇，不過人（真人）同演戲係唔同！」