楊思琦、焦媛、歐錦棠和李潤祺將於9月演出一齣70年代的懷舊音樂劇《情場如戰場》，首次參演舞台劇的思琦飾演一名外表斯文，其實風騷入骨的女孩，並一直暗戀歐錦棠，弄出連場笑話。由於今次的音樂劇以歌舞為主，他們每日要排舞練氣逾8小時。雖然體力消耗大，但思琦竟然意外增磅，阿棠抱起思琦時亦覺有點吃力。思琦說：「一班人每日見面，好似讀書返學咁開心，練習完後又會一齊食嘢，可能太吸收，所以肥咗！」

焦媛與李潤祺綵排練舞，非常合拍。	楊思琦意外增磅、歐錦棠抱起她亦有些吃力。	楊思琦在排舞前換上波鞋

練舞唔着高踭鞋

由於思琦的左腳踭位曾經受傷，所以不能穿高踭鞋排舞，她說：「好佩服焦媛，每日都着住3吋高踭鞋嚟練習，但我就擔心自己頂唔順，怕未正式演出已經腳仔軟，惟有一步一步嚟，着住對波鞋練習先，雖然好辛苦，但可以增加舞台經驗，都係值得。」

歐錦棠被暗戀開心

至於舞台經驗豐富的焦媛亦覺得今次演出是一大挑戰：「今次除咗要唱好多懷舊歌之外，仲要跳探戈、肚皮舞等，要顧好多瓣，好彩唔使減肥，因為跳肚皮舞要有少少肚腩先靚。」

另外，歐錦棠自從發現患有白內障後，轉型向舞台劇發展，他說：「今年參與咗7個舞台劇，今次係飾演一個大情聖，有思琦暗戀我都覺得好開心。」