為配合新碟的跳舞快歌，Stephy嘗試大膽的性感造型：「其實我好保守，造型對我嚟講好性感，感覺有啲涼！（性感底線？）好難Set死一條底線，其實性感係一種感覺，同着衫多少冇關，我唔覺得全裸係性感，係要有種神秘感！」她認為色情與藝術僅一線之差，但堅拒過分暴露：「性感可以，但唔係要鬥露得多先叫性感！當年莫文蔚背部全裸拍唱片封套，相信大家完全唔覺得色情，而係用藝術角度欣賞，如果將來有膽，我都會考慮影一輯藝術相！」

Stephy與可愛的貓咪合照，Cute到暈！

堅拒暴露的Stephy坦言，自己也有性感細胞。

自嘲舞姿欠野性

論到圈中的性感尤物，Stephy首推舒淇：「佢係性感女神！相信好多男士都認同，外國就有安祖蓮娜祖莉，佢時刻散發自信，豐厚嘴唇再加埋衣着，真係好性感！」她直言自己也有性感「細胞」：「培育到嘅！喺成長中，呢種血會慢慢散發出嚟！」

此外，轉走勁歌熱舞路線的她，自嘲舞姿未夠野性：「排舞老師要我將以前Cookies年代嘅少女味掟走，唔要嗰啲可愛樣，要我用身體語言表現女性美態，感覺要成熟啲，我仲需要啲時間練吓！」