本文重點
張兆輝於新片演一名打老婆的男人，還要講露骨對白，與過往演的正派角色大有不同。他坦言現實生活中不會對太太動手，即使嗌交到最後亦會主動氹番對方。
最近張兆輝夥拍吳君如於電影《得閒炒飯》演情侶，自十多年前合作劇集後首結片緣，雖然期間鮮有碰面，但「重逢」後一見如故，即使導演許鞍華安排咀戲，兩人只要三Take便火速完成，非常有默契。
談到片中因打太太而邂逅飾演律師的君如，張兆輝不諱言現實生活中不接受打女人的男人，指夫婦拗撬亦屬平常，但若然到動手地步則屬不對：「同老婆有時意見不合嗌交，佢一定轉頭走，話費事篤眼篤鼻喎！其實都係畀時間大家冷靜，通常最後係我氹番佢先，女士都係要氹o架啦！」
與君如閨房蜜語
對於一大段露骨對白，張兆輝自爆起初不知如何演繹，幸拍攝時在君如帶動下，很快便完成導演要求：「啲對白係好自然咁講，過程好好笑，絕對唔會覺得刻意，露骨程度都係兩公婆平時收埋喺房度講嘅嘢拎出嚟講囉！」提到今次轉型演喜劇，張兆輝自言有喜劇細胞，但與「喜劇之王」周星馳相比根本不入流，不過單看其搞笑程度足令導演開懷大笑，便知道張兆輝的喜劇功力也不錯！
