本文重點
陳靜（DaDa）及蔡瑩瑩（Ivy）現身《娛樂onShow》，接受主持人俞詠文專訪。兩女對經理人施念慈讚不絕口，指對方好比媽咪，令公司好像一個大家庭。
外號「百果園咪神」陳靜（DaDa）與蔡瑩瑩（Ivy）亮相《娛樂onShow》，獲主持人俞詠文大讚夠養眼，正所謂三個女人一個墟，現場笑聲不絕！DaDa及Ivy同屬施念慈（Celia）公司旗下模特兒，兩人對這位經理人有讚冇彈，DaDa指Celia好像媽咪：「佢成日為我出席活動嘅服飾而操心，驚我着得太性感出嚟反應唔好。Celia事業心重、好勤力，呢點推動到我，我學識咗好多嘢，明白好多嘢係要自己爭取同努力，機會係留畀有準備嘅人。」
猶如大家庭
DaDa並表示Celia令公司變得像大家庭一樣，非常團結！問到Celia會否發惡鬧人時，Ivy即搶着說：「佢可以好嚴肅，但唔會鬧人，咁耐都冇對過我惡。」兩人又取笑Celia聲線太溫柔惡不出樣，更齊齊扮對方嗲聲嗲氣，十分爆笑！
今年DaDa在一眾o靚模中表現突出，但她謙稱仍有進步空間，更逐一品評對手的寫真集：「好多都影得好好，周秀娜嗰本冇令大家失望，Angelababy嗰本都好靚！」至於曾與她隔空開火的楊梓瑤（Carol），外界批評她的寫真似鹹書，DaDa笑說：「我覺得唔係，都經過咗審批，不過就算係我都睇得，我夠十八歲啦！」