名模姚予晴（Mikki）、戴小奕和Amanda S.等，昨日在中環為時裝品牌ANTEPRIMA 2010秋冬時裝展行騷。不慎露乳貼的Mikki，受訪時即披上外套防再走光，她形容今次走光只是意外，覺得問題不大，可能是香港人思想保守：「香港其實思想都有啲保守，好容易嘩咗出嚟，有時香港人反應大咗！」

Amanda S.為品牌演繹最新秋冬時裝。

陳貝兒表示公司早前請保鏢保護她，免被狂迷騷擾。

對於成龍日前在網上發表的言論捱轟，Mikki說：「我有睇，佢唔可以代表香港人，至少唔可以代表我！今次又係Over咗！佢可以代表自己講嘢，講出自己見解。」

她認為菲警當日救人行動太過匪夷所思：「攞住支『奀支支』嘅槍仔！人哋就用M16！」Mikki坦言接受不到菲律賓總統當日笑笑口解釋事件，認為對方不配做國家元首：「懷疑佢社交工作都有問題！（成龍比佢更有社交能力？）都係！」

陳貝兒獲保鏢護駕

至於bma副總裁陳貝兒亦有份睇騷，早前被狂迷透過電話及網上騷擾的她說：「警方亦第一時間幫我搵到嗰個人，我都知佢係邊個！件事已經處理咗。之前公司都有搵保鏢保護我，依家就唔使，不過出入都會小心啲！」