謝婷婷昨日以嘉賓身份出席That's it內衣騷，她自言是內衣愛好者，每個月均會買內衣，最愛豹紋及斑馬紋。被問到男友安志杰喜歡她着甚麼款式內衣，她表示男友從來沒有過問，因相信她的品味。問到有否幫男友買內衣褲，婷婷說：「冇，佢冇要求過。（佢會唔會唔畀你行內衣騷？）我哋冇討論過呢個問題，佢對我揀嘅工作有信心，我諗我唔會行內衣騷，底線係着泳衣，因為怕醜同保守，唔係對自己身材冇信心。」另外，她表示平日工作最少帶六個Bra及12條內褲，視乎衣飾配搭。
另外，忙於拍電影的婷婷透露，還有一個星期便完工，問到父母或男友有否探班，她說：「爹哋有日嚟，嗰日我都有戲拍，冇特別緊張，但有壓力，我有大壓力就會做得更好。」