張家輝、官恩娜（Ella）、林莉、譚耀文及張鈞甯等昨晚出席《台風星光影展》的《一閃一閃亮晶晶》首映，眾人均以素色服到場，活動開始前全場默哀1分鐘。對於有傳太太關詠荷接受人工受孕，家輝否認：「太太係試過懷孕失敗！不過依家對生小朋友好隨意，上天已經畀咗個好可愛嘅女我，好幸運！」提到菲律賓的悲劇，他慨嘆：「我都係香港仔，點會唔難過？菲律賓政府要負責！（揭棺影相？）對死者好唔尊重！（成龍言論捱轟？）文字會令人有好大嘅想像空間，缺乏面部表情亦都會有影響！」至於Ella坦言受事件影響，近日經常發噩夢：「（菲律賓）總統行出嚟仲笑，我真係好難受，亦都唔認同揭棺蓋畀傳媒影相！」