向來主打抒情歌的泳兒，最近為全新跳舞快歌《十二個我》排舞，腳踏5吋高踭鞋的她扭腰又趷籮，更露出「事業線」，令人嘩然！她坦言舞步相當難學，甚至要「捐」落男舞蹈員的褲襠底：「開頭有啲尷尬，試過唔小心撞到男Dancer嘅敏感部位，勁唔好意思！」她希望快歌為歌迷帶來新鮮感，所以不惜挑戰高難度動作，搞到膝頭傷痕纍纍，而打歌服亦相當性感：「我喺件打歌服入面戴咗黑Bra，不過我會做足打底措施！（遮住膝頭瘀痕？）惟有着Leggings啦！」