周麗淇（Niki）昨日一臉愁容出席《願望為『倩』－《願望》CD》發布會，即席與身患血癌的女生何欣倩合唱《願望》，期間二人拖手及搭膊，齊齊以歌聲向不幸者送暖。Niki坦言被菲律賓挾持港人事件影響心情，她說：「呢幾日都要錄音，錄音時心思思想睇電視，睇完真係錄唔到歌！」

對於有指菲律賓救人緩慢，Niki說：「事情發生咗亦過咗去，已經唔重要，最想大家平安返嚟，好多嘢都冇得返轉頭！我知梁頌學今晚（昨晚）返香港，全香港人都為佢打氣，希望佢盡快康復，亦將新歌《願望》送畀佢！」問到有否聘請菲傭？她說：「冇，大家要理智啲，唔關佢哋事！」月底生日的她表示，今年不會大搞：「只係有個歌迷聚會，之後同屋企人食飯，叫咗歌迷唔好送禮物，將買禮物嘅錢捐去畀慈善機構！」至於成龍發表的「沒有仇恨論」遭網友圍插，她則不願置評。

碩之問候死者家屬

另外，趙碩之在微博中透露遇害領隊謝廷駿是其朋友的朋友，令她分外傷感！問到是否認識謝領隊？她說：「唔認識，係朋友個朋友，不過身為香港人，唔識佢都覺得唔開心，朋友同佢有關係就覺得更加切身！我有託朋友叫佢家人節哀順變，如果有公開悼念活動，時間許可都會參與！」