成龍在網上就「菲律賓人質事件」發表的言論，遭曲解成力排眾議撐菲警，惹來全城議論紛紛！昨日曾志偉說：「我有睇過啲字眼，應該唔係佢寫，似係身邊啲人寫，佢冇咁嘅英文程度，或者佢唔喺香港，冇睇到直播畫面，唔理解我哋心情，但佢唔能夠代表香港人心情，佢處理失當，應該出嚟交代番件事。（有指佢嘅言論同喺菲島有生意有關？）應該唔關事，佢次次都錯，今次特別錯，每次都詞不達意，我會提佢唔好亂講，會勸佢諮詢大家先。」他又透露計劃聯絡各傳媒辦大型悼念活動，表達港人心意。
此外，夏文汐昨日出席時裝活動時亦有談及成龍：「可能佢做啲嘢等人注意，冇乜評論。（同佢喺當地嘅生意有關？）佢好多生意。菲警今次處理手法可以用低能去形容，真係白癡！受害市民好唔好彩，唔明白佢哋總統點解仲會笑？」而蕭若元則上載成龍06年一篇題為《菲律賓之行》的網誌，記述了成龍為「成龍爪哇咖啡」到當地，受到軍隊歡迎及警車開路等貴賓式招待，有網民質疑成龍言論或與此有關。
