音樂會由「超女」張靚穎打頭陣，以黑色皮背心配Leggings登場的她，手持紅色「私家咪」，與四位性感舞蹈員勁歌熱舞，炒熱全場氣氛！頻頻向台下觀眾打招呼的她表示，能夠與Eason及Tanya同台演出感覺「很棒」。勁舞一番後，靚穎大騷招牌「海豚音」，贏得觀眾熱烈掌聲。

替Eason（左）伴奏的關楚耀，與好兄弟擊掌。

張靚穎與打扮性感的女舞蹈員勁歌熱舞，炒熱氣氛。

讚露雲娜靚聲依舊

當Eason出場時，歌迷馬上起哄，他先與靚穎合唱一曲《I'll Be There》。以骷髏骨頭運動裝加上「蓬鬆彈弓頭」示人的他，看着身上的骷髏圖案笑問：「我係咪瘦咗呢？得番棚骨咋！」並自爆彈弓頭是假髮。其後，Eason與闊別樂壇23年的露雲娜合唱新歌《講男講女》，當年嬌小身形的露雲娜雖然已暴脹一個碼，但靚聲依舊，難怪Eason直言面對這位前輩唱歌會口震震：「相信好多成熟嘅朋友都識得佢，就係佢唱《千年女王》，23年冇唱歌但把聲都冇變！」而Eason父親陳裘大亦有捧場，精神不俗。愈唱愈High的Eason，與蔡健雅合唱《Creep》時，唱到興之所至更唱出一句英文粗口：「So Fxxking Special！」兩人更熱情親吻，認真老友！

Eason除了與後輩張靚穎抱抱外，又攬實前輩露雲娜，艷福不淺。

放大圖片

澄清爆粗跟足原裝

完騷後，被問到為何爆肚唱粗口歌，Eason解釋：「首歌原本係咁㗎！（字幕都冇嘅？）字幕嘅嘢唔係我管喎！」提到謝安琪昨日續約新藝寶，但未見其祝賀片，是否為避緋聞？Eason說：「唔係！唔通克勤續約我又錄段片！我係忙緊個音樂會啫！」對於馬尼拉持槍狂徒挾持香港旅行團導致死傷慘劇，Eason驚訝地說：「我唔知件事！冇人同我講，點解會咁嘅！成件事聽到好心噏，好慘！呢個世界怨氣好深，我選擇喺台上發放正能量！」

放大圖片	Eason一時扭耳仔，一時扮猩猩，笑爆全場。