杏兒、宣萱及陳錦鴻昨日出席新劇《萬凰之王》的開廠儀式，其中飾演王后的杏兒，為爭寵而攻擊宣萱，宣萱為求自保也被迫以陰招回敬，加上大堆妃子及宮女，劇情與大收旺場的《金枝慾孽》及《宮心計》十分相似。

錦鴻被杏兒（左）及宣萱扯住，左右做人難。

楊秀惠（左起）、陳爽、沈卓盈及李思欣等大鬥演技。

演大奸角的杏兒，被問怕不怕與楊怡比較時，她說：「有比較係好嘅競爭，咁先有進步！《宮》劇咁出色，我哋台前幕後都好畀心機！」而宣萱也笑說：「唔驚比較，我都冇諗過呢個問題，顧掂自己嗰瓣先啦！」

宣萱感激錦鴻賜教

事實上，杏兒及宣萱為演好此劇都落足心機做功課，杏兒自爆為「奸到出汁」，要對住鏡子練習凌厲眼神，有時睥得太耐也會睥到想嘔，甚至情緒激動得遲早發癲！而演慣時裝戲的宣萱表示，看到四字詞的對白就頭痛，又未能百分百明白劇情意思，幸得陳錦鴻悉心教導，令她重新學戲，演來更有新鮮感。